19 mart 2025-ci il
Qırğız Respublikasının Azərbaycandakı Səfiri Teatr Xadimləri İttifaqının qonağı olub
19 mart 2025-ci il tarixdə Qırğız Respublikasının Azərbaycandakı Fövqəladə və Səlahiyyətli Səfiri, cənab Maksat Mamıtkanov Azərbaycan Teatr Xadimləri İttifaqının qonağı olub. Səmimi şəraitdə qarşılanan qonaq əvvəlcə İttifaqın binasına qısa ekskurs edib, burada sənətçilər, xüsusən gənclər üçün yaradılan şəraitlə tanış olub.
İttifaqın Sədri Hacı İsmayılov və Səfir Maksat Mamıtkanov arasında aparılan danışıqlar zamanı Qırğız və Azərbaycan respublikalarının mədəni əlaqələrindən, iki ölkə arasında gələcək əməkdaşlıqdan bəhs edilib, bu istiqamətdə atılacaq addımlar müzakirə olunub.