14 dekabr 2024-cü il
Xalq artisti Ramiz Məlikin vəfatının ildönümü
Görkəmli aktyor, Xalq artisti, Dövlət mükafatı laureatı Ramiz Məlikin vəfatının ildönümü ilə əlaqədar sənətkarın qəbri ziyarət olunub.
Mərasimdə Azərbaycan Respublikası Mədəniyyət Nazirliyinin, Teatr Xadimləri İttifaqının, Akademik Milli Dram Teatrının nümayəndələri, aktyorun sənət dostları, ailə üzvləri və media nümayəndələri iştirak ediblər.
Ziyarətə gələnlər Ramiz Məlikin əziz xatirəsini dərin ehtiramla yad ediblər.
Çıxış edənlər - Əməkdar incəsənət xadimi, Dövlət mükafatı laureatı Mehriban Ələkbərzadə, Xalq artistləri Rafiq Əzimov, Hacı İsmayılov və Əli Nur sənətkarın ömür yolundan, onun Azərbaycan teatr və kinosuna verdiyi töhfələrdən danışıblar.
Mərasimin sonunda Ramiz Məlikin oğlu Anar Məlik ziyarətdə iştirak edənlərə təşəkkürünü bildirib.
Allah rəhmət eləsin.
