29 may 2023-cü il
Hacı İsmayılov Moskva şəhərində keçirilən Beynəlxalq Teatr İttifaqları Konfederasiyasının iclasında ölkəmizi təmsil edib.
Azərbaycan Teatr Xadimləri İttifaqı Sədriinin vəzifə səlahiyyətlərini icra edən, Xalq artisti, Dövlət mükafatı laureatı Hacı İsmayılov işgüzar səfərdən qayıdıb.
25 may 2023-cü il tarixdə Konfederasiyanın Prezidenti Mixail Şvıdkoyun rəhbərliyi ilə keçirilən iclasda Azərbaycanla yanaşı, Beynəlxalq Teatr İttifaqları Konfederasiyasının digər üzvləri - Rusiya, Moldova, Qazaxstan, Tacikistan, Özbəkstan, Qırğızıstan və s. ölkələrin Teatr İttifaqlarının nümayəndələri də iştirak ediblər. İclasda Konfederasiyaya daxil olan Teatr İttifaqlarının fəaliyyəti məsələlərinə baxılıb, beynəlxalq qarşılıqlı
əməkdaşlığın inkişafına yönələn təkliflər irəli sürülüb.
İttifaq nümayəndələri A.P.Cexov adına Beynəlxalq Teatr Festivalının açılış mərasimində iştirak ediblər, həmçinin festival çərçivəsində göstərilən Argentinanın "Vəhşi tanqo" şousuna (rəqslərin quruluşu Herman Kornexo), Rusiyanın A.S.Puşkin Teatrının "İki ağanın bir nökəri" (Karlo Qaldoni, rejissor Yuri Murovitski) və s. tamaşalara baxıblar.