25 dekabr 2021-ci il
Azərbaycan Dövlət Akademik Musiqili Teatrında Əməkdar artist Nadir Xasıyevin 60 illik yubileyi
25 dekabr 2021-ci il tarixdə Azərbaycan Dövlət Akademik Musiqili Teatrında Əməkdar artist Nadir Xasıyevin 60 illik yubileyi münasibəti ilə «Paris Notr-Dama ithaf» (Viktor Hüqo) tamaşası oynanıldı.
Azərbaycan Respublikası Mədəniyyət Nazirliyinin, Azərbaycan Teatr Xadimləri İttifaqının nümayəndələri, media nümayəndələri və sənətsevərlər tamaşaya böyük maraqla baxdılar. Sonda Mədəniyyət Nazirliyi və Teatr Xadimləri İttifaqı yubilyara hədiyyələrini təqdim etdilər. Nadir Xasıyev Mədəniyyət Nazirliyi tərəfindən Fəxri fərmanla mükafatlandırıldı.
Azərbaycan Teatr Xadimləri İttifaqının sədr müavini Hacı İsmayılov Nadir Xasıyevin səhnə fəaliyyətindən söhbət açdı, onun keçdiyi çətin və şərəfli yaradıcılıq yolundan danışdı. O. yubilyarı 60 yaşı münasibəti ilə təbrik etdi, ona İttifaqın «Sənətkar» medalını təqdim etdi və yeni yaradıcılıq uğurları arzuladı. Nadir Xasıyev onu təbrik edənlərə dərin minnətdarlığını bildirdi.