14 dekabr 2021-ci il
Azərbaycanın dahi şairi və mütəfəkkiri Nizami Gəncəvinin 880 illiyinə həsr olunmuş tədbir
Azərbaycan Respublikasının Mədəniyyət Nazirliyi, Azərbaycan Teatr Xadimləri İttifaqı, Yeni Azərbaycan Partiyası Səbail rayon Təşkilatı və Milli Konservatoriyanın təşkilatçılığı ilə Azərbaycanın dahi şairi və mütəfəkkiri Nizami Gəncəvinin 880 illiyinə həsr olunmuş tədbir keçirildi.
Tədbirdə görkəmli sənət adamları, ziyalılar, gənclər və media nümayəndələri iştirak etdilər.
Тədbiri Azərbaycan Teatr Xadimləri İttifaqının sədr müavini, Xalq artisti, Dövlət mükafatı laureatı Hacı İsmayılov açdı. O, ölkə Prezidenti cənab İlham Əliyevin dahi şairin yubileyi ilə bağlı imzaladığı Sərəncamдан, il boyu Nizami Gəncəviyə həsr olunмуш tədbirlərdən danışdı.
Sonra söz Yeni Azərbaycan Partiyası Səbail rayon Təşkilatının sədri Muxtar Nağıyevə verildi. Muxtar Nağıyev tədbirin əhəmiyyətindən, Nizami irsinin xüsusən gənc nəslin formalaşmasındakı rolundan söhbət açdı.
AMEA-nın Nizami Gəncəvi adına Ədəbiyyat İnstitutunun Nizamişünaslıq şöbəsinin aparıcı elmi işçisi, Filologiya üzrə fəlsəfə doktoru, dosent Zəhra xanım Allahverdiyeva Nizami Gəncəvinin yaradıcılığından, onun dünya ədəbiyyatına verdiyi dəyərli töhfələrdən danışdı, tədbirin təşkilatçılarına dərin minnətdarlığını bildirdi.
Tədbirdə Azərbaycan Рespublikasının Əməkdar artisti Anar Şuşalının ifasında Nizami Gəncəvinin sözlərinə yazılmış musiqi nömrələri səsləndirildi.
Sonda İttifaqın Rejissor və Aktyor laboratoriyalarının üzvləri tərəfindən hazırlanmış «Hünərim bir asimandır» tamaşası (rejissorlar – Ayla Osmanova və İmran Qurbanov) oynanıldı. Tamaşa alqışlarla qarşılandı.
