20 iyun 2022-ci il
Xurşidbanu Natavan - 190
2022-ci ildə Azərbaycan bədii fikrinin görkəmli nümayəndəsi Xurşidbanu Natavanın anadan olmasının 190 illiyi tamam olur. Azərbaycan Respublikasının Prezidenti cənab İlham Əliyev şairin yubileyinin keçirilməsi ilə bağlı 14 mart 2022-ci il tarixli Sərəncam imzalayıb.
Bununla əlaqədar 20 iyun 2022-ci il tarixində Azərbaycan Respublikası Mədəniyyət Nazirliyi və Azərbaycan Teatr Xadimləri İttifaqının birgə təşkilatçılığı ilə “Cənnətim Qarabağ” bədii qiraət müsabiqəsi keçirilmişdir.
Müsabiqənin keçirilməsində əsas məqsəd milli mədəni məkanda baş verən yaradıcılıq proseslərini aktivləşdirmək, bədii qiraətə marağı artırmaq və yeni yaradıcılıq axtarışlarına şərait yaratmaqdır.
Qaliblər:
I yer - Bahar Həmzəyeva - Şuşa Dövlət Musiqili Dram Teatrının aktrisası;
II yer - Elvin Nuri - Şəki Dövlət Dram Teatrının aktyoru;
III yer - Tural Əhməd - Bakı Bələdiyyə Teatrının aktyoru
