16 dekabr 2022-ci il
"Milli klassika” teatr festivalının baqlanış mərasimi
16 dekabr 2022-ci il tarixdə Azərbaycan Teatr Xadimləri İttifaqının 125 illiyinə həsr olunmuş “Milli klassika” teatr festivalının baqlanış mərasimi keçirilib.
Mərasimi Sədr müavini, Xalq artisti, Dövlət mükafatı laureatı Hacı İsmayılov açıb, bu möhtəşəm sənət bayramı münasibəti ilə teatrsevərləri təbrik edib, teatr festivallarının Azərbaycanın mədəniyyət tarixində əhəmiyyətli rolundan danışıb. Sonra o, festivalın yekunları barədə məlumat verib. Qeyd edib ki, festivalda 11 teatr və 1 təhsil ocağı 13 tamaşa nümayiş etdirib. Lənkəran Dövlət Dram Teatrı festivala müsabiqədənkənar qoşulub. Münsiflər heyətinin müzakirələri nəticəsində festivalın nəticələri müəyyən olunub.
Tədbir iştirakçıları festival çərçivəsində oynanılan tamaşalardan parçaları əks etdirən videoçarxa baxıblar.
Sonra mükafatlandırma mərasimi olub. Münsiflər heyətinin üzvləri nominanları elan edib və mükafatlandırıb.
Mükafatlar.
«Ən yaxşı tamaşa» nominasiyası - Azərbaycan Dövlət Akademik Opera və Balet Teatrının «Min bir gecə» (F.Əmirov) tamaşası.
«Ən yaxşı kukla tamaşası» nominasiyası – A.Şaiq adına Azərbaycan Dövlət Kukla Teatrının «Məlikməmməd» (Azərbaycan Xalq nağılı) tamaşası.
«Ən yaxşı aktyor oyunu» nominasiyası - Ağdam Dövlət Dram Teatrının aktyoru Kərim Həsənov «Ağakərim xan Ərdəbili» (N.Vəzirov) tamaşasındakı Ağakərim xan Ərdəbili obrazına görə.
«Milli klassik poeziyanın səhnə həlli» nominasiyası - Gəncə Dövlət Kukla Teatrının «Xeyir və Şər» (N.Gəncəvi) tamaşası.
«II dərəcəli rolun uğurlu ifası» nominasiyası – Azərbaycan Respublikasının Əməkdar artisti Asif Şirinov. Füzuli Dövlət Dram Teatrının «Yağışdan çıxdıq, yağmura düşdük» (N.Vəzirov) tamaşasındakı Cəbi obrazına görə.
Təşəkkürnamə - Lənkəran Dövlət Dram Teatrının «Casus» (K.Abdulla) tamaşası (müsabiqədənkənar).
«Milli klassik dramaturgiyada yeni forma axtarışları» nominasiyası - Azərbaycan Dövlət Mədəniyyət və İncəsənət Universitetinin «Şeytan müsafirləri» (M.F.Axundzadənin əsərləri əsasında) tamaşası.
«Uğurlu plastik həll» nominasiyası - Azərbaycan Dövlət Mədəniyyət və İncəsənət Universitetinin «Tamahkar» (S.S.Axundov) tamaşası.
Münsiflər heyətinin xüsusi diplomu - Sumqayıt Dövlət Dram Teatrının
«Hacı Qara» (M.F.Axundov) tamaşası.
Münsiflər heyətinin xüsusi diplomu - Şuşa Dövlət Musiqili Dram Teatrının
«Ana» (H.Cavid) tamaşası.
Münsiflər heyətinin xüsusi diplomu - Gəncə Dövlət Dram Teatrının
«Ana» (H.Cavid) tamaşası.
Münsiflər heyətinin xüsusi diplomu - Qax Dövlət Kukla Teatrının
«O olmasın, bu olsun» (Ü.Hacıbəyli) tamaşası
Münsiflər heyətinin xüsusi diplomu - Qusar Dövlət Ləzgi Dram Teatrının
«Hicran» (S.Rəhman) tamaşası.