06-07 may 2024-cü il
Trabzon Sənət Teatrı. İttifaqın Fəxri fərmanları ilə təltif edilməsi.
Böyük maraqla qarşılanan tamaşadan sonra teatrın yaradıcı kollektivinin üzvləri İttifaqın Fəxri fərmanları ilə təltif olunublar.
Azərbaycan Respublikasının Mədəniyyət Nazirliyi və Azərbaycan Teatr Xadimləri İttifaqının təşkilatçılığı ilə həyata keçirilən "QONAQ TEATR" layihəsi çərçivəsində Türkiyənin Trabzon Sənət Teatrı Bakı tamaşaçılarının qonağı oldu. Teatrın yaradıcı heyəti "Neytral zona" (Firuz Mustafa) tamaşası ilə Teatr Xadimləri İttifaqının səhnəsində 2 gün çıxış etdi.
Böyük maraq və alqışlarla qarşılanan tamaşadan sonra Trabzon Sənət Teatrı Türkiyə-Azərbaycan mədəni əlaqələrinin inkişafındakı xidmətlərinə görə, Teatrın bədii rəhbəri Necati Zengin Türkiyə-Azərbaycan mədəni əlaqələrinin inkişafındakı xidmətlərinə və Azərbaycan Teatr Xadimləri İttifaqının «Qonaq teatr» layihəsində Firuz Mustafanın “Neytral zona” (“Tarafsız bölge”) tamaşasının uğurlu təqdimatına görə, Azərbaycan Respublikasının Əməkdar incəsənət xadimi Firuz Mustafa “Neytral zona” (“Tarafsız bölge”) tamaşasının orijinal ədəbi materialına görə, teatrın yaradıcı heyətinin üzvləri – rejissor Cemre Can Avcı tamaşanın uğurlu quruluşuna görə, Süleyman Sırtkaya, Haktan Özkan, Ayşe Natır, Serkan Serbest, Kevser Nur Yılmaz, Mete Aslan, Seymen Ali Pervanoğlu, Aygül Güner Aslan, Lale İskenderoğlu, Murat Aslan tamaşanın uğurlu təqdimatına görə İttifaqın Fəxri fərmanları ilə təltif olundular.
